لاہور۔30جولائی (اے پی پی) وزیر اعلیٰ پنجاب مریم نواز شریف دی ہدایات تے پی ڈی ایم اے مون سون فیکٹ شیٹ جاری کر ݙتی۔ ایں مون سون بارشاں اچ 158 شہری جاں بحق، 558 زخمی، 214 گھر متاثر اتے 121 مو??شی ہلاک تھیے۔ ترجمان پی ڈی ایم اے موجب فیکٹ شیٹ اچ مون سون بارشاں دی صورتحال، پنجاب دے دریاواں، بیراجز اتے ڈیمز اچ پاݨی دی سطح بارے اعداد و شمار شامل ہن۔گزریل 24 گھنٹیاں اچ جہلم وچ 83، راولپنڈی 81، منڈی بہاؤالدین 49، منگلا 48، گجرات 42، سیالکوٹ اتے گوجرانوالہ 39 اتے ڈی جی خان اچ 33 ملی میٹر بارش ریکارڈ کیتی ڳئی۔ مون سون بارشاں دا پنجواں سلسلہ 31 جولائی تئیں رہݨ دے امکانات ہن۔ مون سون بارشاں پاروں پنجاب دے دریاواں اتے ندی نالیاں اچ طغیانی دا خدشہ اے۔پی ڈی ایم اے دے ترجمان موجب وزیر اعلیٰ پنجاب دی ہدایات تے صوبے بھر دی انتظامیہ اتے متعلقہ محکمہ جات کوں الرٹ جاری کر ??تا ڳئے۔ گزریل 24 گھنٹیاں اچ بارشاں پاروں حادثات نال کوئی جانی نقصان نئیں تھیا۔ ترجمان موجب ایں سال مون سون بارشاں اچ حادثات پاروں 158 شہری جاں بحق اتے 558 زخمی تھیے جݙاں جو 214 گھر متاثر اتے 121 مو??شی ہلاک تھیے۔ زیادہ تر اموات آسمانی بجلی، مخدوش عمارتاں دے ݙھݨ، دریاواں اچ دھمدیں ہوئیں ٻڈݨ اتے کرنٹ لڳݨ نال تھئیاں۔ ڈی جی پی ڈی ایم اے عرفان علی کاٹھیا آکھیا جو وزیر اعلیٰ پنجاب دی ہدایات تے سوگوار ٹبراں دی مالی معاونت یقینی بݨائی ویندی پئی اے۔ کساناں دی فصلاں اتے مویشیاں دے نقصانات دا وی ازالہ کیتا ویسی۔ ڈی جی پی ڈی ایم اے موجب منگلا ڈیم اچ 57 فیصد جݙاں جو تربیلا اچ 87 فیصد پاݨی موجود اے۔ انڈین ڈیمز اچ پاݨی دی سطح تقریباً 43 فیصد تئیں اے۔ دریائے سندھ اچ کالا باغ، تربیلا، تونسہ اتے چشمہ دے مقام تے تلویں درجے دا سیلاب اے۔ دریائے چناب، راوی، جہلم اتے ستلج اچ پاݨی دا بہاؤ فی الحال نارمل سطح تے اے۔ ڈی جی عرفان علی کاٹھیا آکھیا جو ممکنہ سیلابی خطرے پاروں پی ڈی ایم اے دے انتظامات مکمل ہن۔ پی ڈی ایم اے کنٹرول روم اتے ڈسٹرکٹ ایمرجنسی آپریشن سنٹرز مسلسل صورتحال کوں مانیٹر کریندے پئن۔ ڈی جی پی ڈی ایم اے آکھیا جو حکومت پنجاب ولوں دریاواں، نہراں اتے برساتی نالیاں اچ دھاوݨ تے مکمل پابندی اے۔ خلاف ورزی کرݨ تے سخت ایکشن ڳھدا ویسی۔ ڈی جی پی ڈی ایم اے آکھیا جو شہری خراب موسم اچ غیر ضروری سفر نہ کرن۔ بجلی دی تاراں اتے کھمبیاں توں پرے رہن، مخدوش تے پراݨے مکانات اچ ہرگز رہائش نہ رکھن۔ ہنگامی صورتحال اچ پی ڈی ایم اے ہیلپ لائن 1129 تے کال کرن۔
ایں مون سون بارشاں اچ 158 شہری جاں بحق، 558 زخمی، 214 گھر متاثر اتے 121 مویشی ہلاک تھیے، ترجمان پی ڈی ایم اے
لاہور۔30جولائی (اے پی پی) وزیر اعلیٰ پنجاب مریم نواز شریف دی ہدایات تے پی ڈی ایم اے مون سون فیکٹ شیٹ جاری کر ݙتی۔...
مضمون کا ماخذ : loteria com prêmio acumulado
.jpg)
