اسلام آباد ۔ 29جولائی (اے پی پی) نگران وزیر خزانہ ڈاکٹر شمشاد اختر آکھیے جو ملک دیاں ودھدیاں ہوئیاں مالی ضرورتاں کوں سہارا ڈیونڑ آلے مقامی وسائل کوں متحرک بنڑاونڑ کیتے مستحکم ،کیپٹل مارکیٹ ضروری اے ۔ کیپٹل مارکیٹ غیرملکی سرمایہ کاری گھن آونڑ اچ وی اہم ذریعے دی حیثیت رکھیندی اے۔اے گال انہاں گزریل ڈینھ اتھاں کیپٹل مارکیٹ دی ترقی سانگے تجویز تے سفارشات دے جائزہ اجلاس دی صدارت کریندے ہوئیں آکھی ۔ اجلاس اچ سیکرٹری خزانہ ، چیئرمین پی ایس ایکس،انہاں دی ٹیم اتے چیئرمین ایس ای سی پی اتے بئے افسراں شرکت کیتی ۔ وزیر خزانہ کیپٹل مارکیٹ دی مستقبل دی ترقی سانگے درکار روڈ میپ دی تیاری سانگے سٹاک مارکیٹ دے اہم ارکان دی کمیٹی بنڑا رکھی اے ،ایس ای سی پی کوں ہدایت کیتی گی ہئی جو آندے پنج سالاں سانگے نواں سٹریٹجک پلان پیش کرن۔ چیئرمین پی ایس ایکس رچرڈ مورین سٹاک مارکیٹ دے بئے ارکان دے نال وزیر خزانہ کوں ”پاکستان کیپٹل مارکیٹ دی ترقی سانگے روڈ میپ“ متعلق پریذیزٹیشن ڈتی ۔ انہاں کیپٹل مارکیٹ دی ترقی سانگے پاکستان سٹاک ایکسچینج پی ایس ایکس دے اقدامات دا ڈسایا جیں اچ پالیسی سازی دے اثرات، استعداد کار اچ ودھارا ، سرمایہ کار ی کوں ودھاونڑ سانگے درکار سہولتاں تے ترغیبی اقدامات، بروکرج اتے صنعتی مینجمنٹ دے اثاثے بشمول نویں مصنوعات متعارف کراونڑ دے اقدامات شامل ہن ۔ انہاں ٹیکس ماحول دی بہتری تے ڈیبٹ کیپٹل مارکیٹ دے انتظام دی ضرورت تے زور ڈتا۔ ڈاکٹر شمشاد اختر جامع، مربوط اتے مجموعی کیپٹل مارکیٹ ایجنڈے دی تیاری دی ضرورت تے زور ڈتا ۔انہاں ایڈیشنل فنانس سیکرٹری (انٹرنل فنانس) کو ںکیپٹل مارکیٹ متعلق امور تے مختلف فریقین دے نال رابطے سانگے فوکل پرسن نامزد کیتا۔ انہاں کیپٹل مارکیٹ دی ترقی دے ایجنڈے تے آندے ہفتے مزید گال مہاڑ دی ضرورت تے زور پاتا ۔
ملک دیاں مالیاتی ضرورتاں کوں سہارا ڈیونڑ آلے مقامی وسائل کو ں متحرک بنڑاونڑ کیتے مستحکم کیپٹل مارکیٹ ضروری ہے، نگران وزیر خزانہ ڈاکٹر شمشاد اختر دا کیپٹل مارکیٹ دی ترقی دے حوالے نال جائزہ اجلاس نال خطاب
اسلام آباد ۔ 29جولائی (اے پی پی) نگران وزیر خزانہ ڈاکٹر شمشاد اختر آکھیے جو ملک دیاں ودھدیاں ہوئیاں مالی ضرورتاں کوں سہارا ڈیونڑ...
مضمون کا ماخذ : آن لائن اور ایپلیکیشنز
